యువత కోసం “ఫ్యూచర్ రెడీ యూత్” కెరీర్ మార్గదర్శక కార్యక్రమం
తెలుగు వెలుగు టీవీ - వార్తలు / కొత్తగూడెం : యువతలో కెరీర్ అవగాహన, వ్యక్తిత్వ వికాసం మరియు ఉద్యోగ సిద్ధత పెంపొందించేందుకు వివేకానంద యువ కేంద్రం ఆధ్వర్యంలో “ఫ్యూచర్ రెడీ యూత్” పేరుతో ప్రత్యేక ఉచిత కెరీర్ మార్గదర్శక కార్యక్రమం నిర్వహించనున్నట్లు నిర్వాహకులు తెలిపారు. డిగ్రీ చివరి సంవత్సరం విద్యార్థులు, ఇటీవల డిగ్రీ పూర్తి చేసిన యువత, నిరుద్యోగ యువత కోసం ప్రత్యేకంగా రూపొందించిన ఈ కార్యక్రమంలో ప్రైవేట్ ఉద్యోగాలు, ప్రభుత్వ ఉద్యోగాలు, పోటీ పరీక్షలు, ఉన్నత విద్య అవకాశాలు, స్వయం ఉపాధి మరియు Entrepreneurship పై సమగ్ర అవగాహన కల్పించబడనుంది. అలాగే రిజ్యూమ్ తయారీ, ఇంటర్వ్యూ నైపుణ్యాలు, ఉద్యోగ వెబ్సైట్ల వినియోగం, కమ్యూనికేషన్ స్కిల్స్, వ్యక్తిత్వ వికాసం వంటి అంశాలపై కూడా ఉపయోగకరమైన సూచనలు అందించబడతాయి. UPSC, SSC, బ్యాంకింగ్, గ్రూప్స్, రైల్వే, డిఫెన్స్ వంటి పోటీ పరీక్షలపై ప్రాథమిక అవగాహనతో పాటు ఉచిత ఆన్లైన్ లెర్నింగ్ ప్లాట్ఫారమ్లు మరియు ప్రభుత్వ విద్యా వనరులపై సమాచారం కూడా అందించనున్నట్లు తెలిపారు. ఈ కార్యక్రమం మే 13న సాయంత్రం 5 గంటల నుండి 7 గంటల వరకు కొత్తగూడెం బస్ స్టాండ్ ఎదురుగా ఉన్న వివేకానంద యువ కేంద్రంలో నిర్వహించబడుతుంది. కార్యక్రమంలో 90 నిమిషాల ప్రధాన సెషన్ అనంతరం ప్రశ్నలు – సమాధానాల కార్యక్రమం కూడా ఉంటుంది. యువత పెద్ద సంఖ్యలో పాల్గొని కార్యక్రమాన్ని సద్వినియోగం చేసుకోవాలని నిర్వాహకులు కోరారు. మరిన్ని వివరాలకు: పాతూరి పాండురంగ విటల్, అడ్వకేట్ జనరల్ సెక్రటరీ, వివేకానంద యువ కేంద్రం 9396939495 భూక్య సురేష్ (వారాహి) ప్రోగ్రాం కో-ఆర్డినేటర్ 94904 62038
Admin
తెలుగు వెలుగు టీవీ
మరిన్ని వార్తలు
Developed By :
